काठमाडौ । समिट माइक्रोफाइनान्स डेभलपमेन्ट बैंकको बिहीबार (भदौ २९) देखि १०० प्रतिशत हकप्रद सेयर बिक्री खुला भएको छ । समिटले १ः१ अनुपातमा १०० रुपैयाँ अंकित मूल्यको ७ लाख २५ हजार कित्ता सेयर निष्काशन गरेको हो ।
कात्तिक १ गतेसम्म यो हकप्रद सेयर भर्न पाइनेछ । यसमा भदौ ८ गतेसम्म कायम सेयरधनीले मात्र आवेदन दिन सक्नेछन् ।
बिक्री प्रबन्धक सानिमा क्यापिटल लिमिटेड नारायणचौर, नक्साल काठमाडौ र समिट माइक्रोफाइनान्स डेभलपमेन्ट बैंकको केन्द्रीय कार्यालय बिर्तामोड ७, झापा तथा यसका अधिकांश शाखा कार्यालयबाट पनि आवेदन दिन सकिनेछ । त्यसैगरी, सनराइज बैंकका धनगढी, नेपालगंज, पोखरा, भैरहवा, नारायणगढ, वीरगंज र जनकपुर शाखा कार्यालयबाट पनि आवेदन दिन सकिनेछ । हाल समिटको चुक्ता पुँजी ७ करोड २५ लाख रुपैयाँ छ । हकप्रद निष्काशनपछि भने समिटको चुक्ता पुँजी १४ करोड ५० लाख रुपैयाँ पुग्नेछ ।
प्रकाशित मितिः २०७४ भदौ २९
वि.सं.२०७४ भदौ २९ बिहीवार १३:१० मा प्रकाशित
