काठमाडौ । किसान माइक्रोफाइनान्स वित्तीय संस्थाले २ करोड ४० लाखको हकप्रद निष्कासन गर्ने भएको छ । संस्थाले गतबर्षको बोनस पश्चात कायम पूँजीको ५० प्रतिशत हकप्रद शेयर बिक्री गर्न लागेको हो । कम्पनीको कैलालीमा सम्पन्न पाँचौ बार्षिक साधारण सभाले २०.१२५ प्रतिशत बोनसपछि ५० प्रतिशत हकप्रद बिक्री गर्ने निर्णय गरेको हो ।
गतबर्ष मात्रै २४ हकप्रद सेयर बिक्री गरेर चुक्ता पुँजी ४ करोड रुपैयाँ पुर्याएको किसान माइक्रोले पुन हकप्रद बिक्री गर्ने भएको हो । बोनसपछि कम्पनीको पूँजी ४ करोड ८० लाख पुग्छ । त्यसपश्चात ५० प्रतिशत हकप्रद बिक्री गर्दा ७ करोड २० लाख ७५ हजार पुग्नेछ ।
यसैगरी, साधारण सभाले ‘क’ समूहका सेयरधनीको तर्फबाट नेत्र बहादुर जोशी, मृगेन्द्र बहादुर विस्ट, चक्रपाणी सापकोटा र खेमाराज न्यौपानेलाई संचालक चयन गरेको छ । त्यसपश्चात बसेको संचालक समितिले नेत्र बहादुर जोशीलाई अध्यक्ष नियुक्त गरेको कम्पनीले जनाएको छ ।
२०७४ पुष २५ गते प्रकाशित
वि.सं.२०७४ पुस २५ मंगलवार १५:०० मा प्रकाशित