काठमाण्डौं । २५ प्रतिशत हकप्रद निष्काशनको तयारीमा रहेको मेगा बैंकले साउन १० गते सेयर धनी दर्ता पुस्तिका बन्द गर्ने भएको छ भने साउन ९ गतेसम्म कायम सेयरधनीले मात्र मेगा बैंकको हकप्रद सेयर भर्न पाउने भएका छन् ।
मेगा बैंकको आज बसेको संचालक समितिको बैठकले हकप्रद निस्कासनका लागि साउन १० गते बुक क्लोज गर्ने निर्णय गरेको नेप्सेले जनाएको छ । बैंकको पाँचौ साधारणसभाले २५ प्रतिशत हकप्रद जारी गर्ने प्रस्ताव पारित गरेको थियो ।
हालै पश्चिमान्चललाई गाभेको बैंकले देशभर ४४ वटा शाखा, ४५ वटा एटीएम सञ्जाल, ५३ वटा स्थानबाट अत्याधुनिक शाखारहित बैंकिङ सेवा, १४ सय स्थानमा मेगा रेमिटको सञ्जाल र एउटा एक्सटेन्सन काउन्टर सञ्चालन गरेको छ।
२ साउन २०७३, ३.०
वि.सं.२०७३ साउन २ आइतवार १५:४३ मा प्रकाशित
