काठमाडौ । ओम डेभलपमेण्ट बैंकले ३० प्रतिशत हकप्रद निष्काशन गर्न अनुमति पाएको छ । बैंकले दश बराबर तीन कित्ता अर्थात् अब १०० कित्ता सेयर हुनेले ३० कित्ता सेयर किन्न पाउनेछन् । बैंकले ४९ लाख ३१ हजार आठ सय ३५ कित्ता हकप्रद निष्कासन गर्न बोर्डसँग स्वीकृति मागेको थियो ।
बैंकको हकप्रद सेयर निष्काशन एनआईबिएल क्यापिटल मार्केट लिमिटेडले गर्नेछ ।
हाल एक अर्ब ६४ करोड रुपैंया चुक्ता पूँजी रहेको बैंकको ३० प्रतिशत हकप्रद पश्चात चुक्ता पूँजी दुई अर्ब १३ करोड नाघ्नेछ । बैंकले गत आर्थिक वर्षमा ४३ करोड रुपैंयाभन्दा बढि खु्द नाफा कमाएको छ । सोही नाफाको सदुपयोग गर्दै बोनसमार्फत उसले चुक्ता पूँजी अढाई अर्ब रुपैंया पुर्याउने सम्भावना रहेको छ ।
नेपाल राष्ट्र बैंकको निर्देशन अनुसार राष्ट्रिय स्तरको विकास बैंक बन्नका लागि कम्तीमा २ अर्ब ५० करोड चुक्ता पुँजी पुर्याउनु पर्ने हुन्छ ।
प्रकाशित मितिः २०७४ भदौ २
वि.सं.२०७४ भदौ २ शुक्रवार १३:५१ मा प्रकाशित