काठमाडौ । सरकारले काठमाडौको चक्रपथ भित्र मोटरसाईकल संचालनमा प्रतिबन्ध लगाउने तयारी थालेको छ । यातायात ब्यवस्था बिभागले सवारी दुर्घटना तथा यातायात अबरोधको अबस्थामा कमी ल्याउन मोटरसाईकल संचालन बन्द गर्ने तयारी गरेको अधिकारीहरुले जनाएका छन् ।
शहरी सवारी ब्यवस्थापनमा साना सवारी नै मुख्य बाधक रहेको ठहर गर्दै रिंगरोड भित्र मोटरसाईकल प्रबेश निषेध गर्ने बारेमा यातायात ब्यवस्था बिभागले छलफल अगािड बढाएको छ । मोटरसाईकलमा प्रतिबन्ध लगाउनु अघि सार्वजनिक सवारी साधान सर्बसुलभ बनाईने बिभागले जनाएको छ ।
यातायात ब्यवस्था बिभागका महानिर्देशक रुपनारायाण भट्टराईले मोटरसाइकल हटाउने बिषयले आम मानिसमा आवत जावत कसरी गर्ने भन्ने प्रश्न स्वभाविक रुपमा उठ्ने भए पनि सार्वजनिक सवारीको सरल र सहज उपलब्धताको ग्यारेन्टी गरिने बताएका छन् ।
काठमाडौ उपत्यकामा पाँच लाख मोटरसाईकल र तीन लाख अन्य सवारी साधन रहेको आँकलन गरिएको छ । उपत्यकामा ४० लाख भन्दा बउी मानिसको बसोबार रहेको र सार्वजनिक सवारी साधन उपयोग गर्नेको संख्या बढ्दै गएको सरकारी अधिकारीहरुको भनाई छ । कारोबार दैनिकबाट
फोटोः गुगलबाट
प्रकाशित मितिः २०७४ असार २
वि.सं.२०७४ असार २ शुक्रवार १०:३९ मा प्रकाशित