काठमाण्डौं । राष्ट्रियस्तरको थोक लघुवित्त कम्पनी आरएसडिसी वित्तीय संस्थाले निष्काशन गरेको गत भदौ ५ गते सर्वसाधारणका लागि निष्कासन गरेको सेयरको आज बाँडफाँड भएकोछ ।
कम्पनीको शेयर निष्काशन तथा बिक्री प्रबन्धक एनआईबिएल क्यापिटलमा उक्त सेयर बाँडफाँड गरिएको हो ।अधिकतम ४ लाख रुपैंयासम्मको आवेदन संकलन गरेको कम्पनीको सेयरमा २ लाख ५५ हजार रुपैंयासम्मका आवेदकलाई गोलाप्रथाबाट १० कित्ता सेयर बितरण गरिएको छ । त्यसभन्दा माथिका आवेदकहरुले माग गरेको शुन्य दशमलव ३५ प्रतिशत सेयर मात्र पाएका छन् ।
लघुवित्तले एक सय रुपैयाँ अंकित दरका ४ करोड रुपैयाँ बराबरको ४ लाख कित्ता सेयर सर्वसाधारणका लागि निष्काशन गरेको थियो । निष्काशन भएको पहिलो दिन नै २० गुणा बढीको आवेदन परेको लघुवित्तमा निष्काशन बन्द हुँदा ८ अर्ब २८ करोड ४५ लाख रुपैंयाको आवेदन परेको थियो ।
३० असोज २०७३, ३।३०
वि.सं.२०७३ असोज ३० आइतवार १७:११ मा प्रकाशित
