काठमाडौँ । माल्दिभ्सलाई ४-३ ले हराउँदै नेपाल १७ वर्षपछि दक्षिण एसियाली खेलकुद (साग) को फाइनलमा प्रवेश गरेको छ ।
शनिबार इन्दिरा गान्धी स्टेडियममा माल्दिभ्सको यू-२३ टिमललाई ४-३ ले हराउँदै दुई पटकको स्वर्ण पदक विजेता नेपाल यू-२३ टिम फाइनलमा प्रवेश गरेको छ ।
नवयुग श्रेष्ठको हृयाटि्रकको मदतमा नेपालले माल्दिभ्समाथि नाटकीय जित हात पारेको हो ।
नेपालले पहिलो हाफमा दुई गोलको अग्रता लिएर पनि दोस्रो हाफमा जोगाउन सकेन ६५ औं मिनेटमा कमल श्रेष्ठले रातो कार्ड पाएपछि १० खेलाडीमा समिति भएको थियो ।
अतिरिक्त समयको अन्तिमतिर नवयुग श्रेष्ठले उत्कृष्ट प्रदर्शन गर्दै हृयाटि्रक मात्र पुरा गरे । ह्याट्रिक संगै नेपाललाई १७ वर्षपछि सागको पुरुष फुटबलको फाइनलमा पुर्याएको छ ।
१९८४ र १९९३ मा साग फुटबलमा स्वर्ण जितेको नेपालले १९९९ मा फाइनल खेलेको थियो । त्यसबेला पनि माल्दिभ्सलाई हराएर नेपाल फाइनलमा पुगेको थियो, शनिबार इतिहास दोहोर्याएको छ ।
नेपालले बङबन्धु कपको फाइनल यात्रा तय गर्ने क्रममा पनि नेपालले माल्दिभ्सलाई नै हराएको थियो । सो खेलमा पनि नवयुगले हृयाटि्रक गरेका थिए ।
अब नेपालले उपाधिका लागि भारतसँग खेल्नेछ ।
१ फागुन २०७२ /९:५९
वि.सं.२०७२ फागुन १ शनिवार २१:४४ मा प्रकाशित
