काठमाण्डौं । सहारा विकास बैंकले डेढ सय प्रतिशत अर्थात एक कित्ता बराबर १.५ कित्ता हकप्रद सेयर जारी गर्ने भएकोछ । यसका लागि बैंकले यहि भदौ २२ गते सेयरधनी दर्ता पुस्तिका बन्द हुने जानकारी दिएको छ ।
बैंकले डेढ सय प्रतिशत हकप्रद जारी गर्न धितोपत्रबोर्डबाट अनुमति लिईसकेको छ । बैकले ३ करोड ५४ लाख रुपैयाँ बराबरको ३ लाख ५४ हजार कित्ता सेयर जारी गर्न लागेको हो ।
हाल बैंकको २ करोड ३६ लाख रुपैयाँ चुक्तापुँजी रहेको छ । हकप्रद निष्काशन पश्चात चुक्तापुँजी ५ करोड ९० लाख रुपैयाँ पुग्नेछ । अहिले बैंकको प्रति सेयर आम्दानी ४२ रुपैयाँ ५१ पैसा छ । बैंकको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ ।
२० भदौ २०७३, ९।००
वि.सं.२०७३ भदौ २० सोमवार ११:५१ मा प्रकाशित
