काठमाडौँ । सहयोगी विकास बैंकको बिक्रि नभएको हकप्रद शेयर लिलामी भोलि देखि गर्ने भएको छ । यस अघि बिक्री नभएको १६ हजार ३ सय ८६ कित्ता सर्वसाधारण समूहतर्फको शेयर बैंकले बिहीबार देखि लिलामीमा निष्काशन गर्न लागेको हो ।
उक्त लिलाम शेयरमा साउन ५ गतेसम्म आवेदन दिन सकिने बिक्री प्रवन्धक सनराइज क्यापिटलले जनाएको छ ।
हाल बैंकको प्रतिशेयर आम्दानी वार्षिक ३९ दशमलव ४१ रुपैयाँ, मूल्य आम्दानीको अनुपात ११ दशमलव शून्य ६ गुणा, प्रतिशेयर नेटवर्थ १ सय ७४ दशमलव ३३ रुपैयाँ र तरलता अनुपात १९ दशमलव शून्य ५ प्रतिशत रहेको छ ।
प्रकासित मितिः २०७४ असार २८
वि.सं.२०७४ असार २८ बुधवार १२:२३ मा प्रकाशित