काठमाण्डौं । उपत्यकामा आउँदो भदौ महिनादेखि ८० सिट क्षमताका ३० साझा बस थपिने भएका छन् । यी ३० वटा बसहरु साझा यातायातले काठमाडौँ महानगरपालिकाको १० करोड रुपैयाँ सेयर लगानीमा ल्याउन लागेको हो ।
साझा यातायात र भारतीय बस निर्माता कम्पनी अशोक लेल्यान्डबीच गत चैतमा भएको सम्झौता अनुसार कम्पनीले आगामी भदौको तेस्रो साता ती बस साझाले पाउने छ । अब आउने बस ८० सीट क्षमताको हुने र सबै बस अपाङ्गमैत्री हुने पनि साझा यातायातले जनाएको छ। त्यस्तै बसमा स्वचालित ढोका, सिसिटिभी क्यामेरा, टेलिभिजन लगायत सुविधा हुनेछ।
तीसवटा बस थपिएसँगै साझासँग ४६ वटा बस हुनेछ। योसँगै उपत्यकामा चल्ने साना माइक्रो र टेम्पोहरु बिस्तारै विस्थापित हुने अनुमान गरिएकोछ ।
२४ जेठ २०७३, ९।००
वि.सं.२०७३ जेठ २४ सोमवार १०:४९ मा प्रकाशित
