काठमाण्डौं । काठमाण्डौं महानगरपालिकाले साझा यातायातलाई ८ करोड रुपैयाँ बराबरको चेक प्रदान गरेको छ । हिजो आइतवार महानगरपालिकाका कार्यकारी निर्देशक रुद्रसिंह तामाङले साझाका कायममुकायम कार्यकारी अधिकृत महेन्द्रराज पाण्डेलाई सो चेक हस्तान्तरण गरेका हुन् ।
महानगरको यातायात व्यवस्थित बनाउन ठूला बस सञ्चालन गर्न ती दुई निकायबिच यसअघि भएको समझदारी अनुसार महानगरपालिकाले साझालाई चेक हस्तान्तरण गरेको हो ।
महानगर र साझाको शहरी यातायात सञ्चालन सम्बन्धी सम्झौतामा शुरुमा महानगरले २ करोड रुपैयाँ उपलब्ध गराउने, त्यसपछि साझाले बस खरीदका लागि काम थालनी गर्ने, बस खरीद प्रक्रिया अघि बढेपछि बाँकी ८ करोड रुपैयाँ साझालाई उपलब्ध गराउने उल्लेख छ । यसरी उपलब्ध गराइएको रकम बराबरको शेयर साझाले महानगरलाई उपलब्ध गराउने छ ।
साझाले बस खरीदका लागि ग्लोवल टेन्डर आवह्वान गरिसकेको छ । जसमा भारतीय अशोक लेलेण्ड छनौट भएको छ । भारतीय कम्पनीले साझालाई ३० ओटा बस उपलब्ध गराउने छ ।
२९ चैत २०७२, ८.००
वि.सं.२०७२ चैत २९ सोमवार ११:०७ मा प्रकाशित
