काठमाडौ । समता माइक्रोफाइनान्स वित्तीय संस्थाको आइपीओमा एक अर्ब ८८ करोड रूपैयाँभन्दा बढीको आवेदन परेको छ । यो मागको तुलनामा करिब २१३ गुणा भन्दा बढी हो । समताले कुल ९४ हजार आठ सय कित्ता आइपीओ बिक्री खुला गरेको हो । कुल निष्कासन गरिएको सेयरमध्येबाट एक हजार आठ सय ९६ कित्ता सेयर कर्मचारीलाई दिइएको छ भने चार हजार सात सय ४० कित्ता सेयर सामूहिक लगानी कोष कम्पनीले पाएका छन् । यस आधारमा सर्वसाधारणको भागमा जम्मा ८८ हजार एक सय ६४ कित्तामात्र परेको छ । यो संख्यालाई हिसाब गर्दा समतामा मागको तुलनामा २१३ गुणाभन्दा बढी आवेदन परेको देखिन्छ ।
समताले पुस १९ देखि २२ गतेसम्म आइपीओ बिक्री खुला गरेको थियो । एक सय रुपैयाँ अंकित मूल्यको यो आईपीओमा न्यूनतम ५० कित्ता र अधिकतम पाँच सय कित्तासम्म सेयर भर्न पाइने व्यवस्था गरिएको थियो । मागको तुलनामा निकै बढी आवेदन परेकाले साना लगानीकर्ताले गोलाप्रथा प्रणालीमार्फत सेयर पाउने निश्चित जस्तै भएको छ ।
प्रकाशित मितिः २०७३ पुस २४
वि.सं.२०७३ पुस २४ आइतवार १३:३७ मा प्रकाशित