काठमाण्डौं । सोसियल इन्जिनियरिङ्ग स्कुलद्वारा निर्मित समय हाम्रो आयु भन्ने गीतको म्युजिक भिडियो सार्बजनिक भएको छ ।
कपिल ढकालको शब्द, दीपक शर्माको संगीत तथा विश्वमणि पोख्रेल र सुमिना लो को स्वरमा तयार भएको गीतको म्युजिक भिडियोको निर्देशन बसन्त सपकोटाले गरेका हुन् । गत साता एक बृहत कार्यक्रम गरी उक्त भिडियो सार्बजनिक गरिएको हो ।
समयको आधिकार देश बिकासको मुख्य आधार भन्ने मुल नारा सहित आयोजित कार्यक्रमका प्रमुख अतिथी पूर्व प्रधानमन्त्री माधव कुमार नेपाल थिए । यसका साथै नेपाली कांग्रेसका महामन्त्री शशांक कोइराला, एनेकपा माओवादीका कृष्ण बहादुर महरा, नेपाल बारका अध्यक्ष शेरबहादुर केसी लगायतका व्यक्तिहरुको उपस्थिति रहेको थियो ।
भिडियोमा वकिल, पत्रकार, पाइलट, डाक्टर, युवा नेताहरुको साथमा आर सी गौतम, आरुश गुरुङ, रन्जु, सुनाम, रेखा घिमिरे आदि कलाकारहरुको अभिनय रहेकोछ ।
८ बैशाख २०७३, ११।००
वि.सं.२०७३ वैशाख ८ बुधवार १२:५१ मा प्रकाशित
