काठमाण्डौं । सामसुङले बहुप्रतिक्षित मेटालिक डिजाइन र नयाँ प्रविधिमा आधारित ग्लास भएका ग्यालेक्सी ए सेभेन र ग्यालेक्सी ए फाइभ बजारमा आएको छ ।
मलेशियाको क्वालालाम्पुरमा आयोजित कार्यक्रममा यी फोन सार्वजनिक गरिएका छन् । यसमा १३ मेगापिक्सेलको रेयर क्यामेरा र ५ मेगापिक्सेलको फ्रन्ट क्यामेरा रहेको छ । मल्टि टाक्सकिङको सहजता र लामो समयसम्म ब्याट्री टिक्नको लागि ए सेभनमा तीनहजार तीनसय र ए फाइभमा दुईहजार नौसय एमएएचको शक्तिशाली ब्याट्री रहेको छ ।
भारतीय बजारमा ग्यालेक्सी ए सेभेनको मूल्य ३३ हजार चारसय र ग्यालेक्सी ए फाइभको मूल्य २९ हजार चारसय भारु तोकिएको छ । यी दुई फोन नेपाली बजारमा छिटै नै आउँदै छ ।
माघ २८, २०७२
वि.सं.२०७२ माघ २८ बिहीवार ११:०६ मा प्रकाशित
