पोखरा । दश दिनसम्म चलेको तेस्रो सराङ्गकोट महोत्सव भब्य रुपमा सम्पन्न भएको छ । उक्त महोत्सब भदौ १६ गते सुरु भएको थियो । करीब ४० हजार दर्शकले प्रत्यक्ष अवलोकन गरेको उक्त महोत्सवमा एक करोड रुपैयाँ बराबरको कारोबार भएको भएको आयोजकले बताए ।
बिभिन्न उत्पादन र खाद्य स्टल एवं मनोरञ्जनात्मक प्रस्तुतीहरु महोत्सवका आर्कषण थिए । बिभिन्न सांगीतिक समुहको प्रस्तुती, पर्यटन दौड, रत्यौली प्रतियोगिता, दुना टपरी प्रतियोगिता तथा स्थानीय संस्कृतीहरुको बेजोड प्रस्तुतीले महोत्सवको आकर्षण बढाएको थियो ।
आन्तरिक तथा बाह्य पर्यटकलाई आकर्षित गर्न महोत्सवको आयोजना गरिएको थियो । महोत्सवको अन्तिम दिन महोत्सव अबधिभर भएका बिभिन्न खेलका विजयीहरुलाई कास्की क्षेत्र नम्बर ४ की सांसद सीता गिरीले सम्मान पत्र र पुरस्कार वितरण गरेकी थिईन ।
प्रकाशित मितिः २०७४ भदौ २५
वि.सं.२०७४ भदौ २५ आइतवार १६:५६ मा प्रकाशित