काठमाण्डौं । नेपाल एसबिआई बैंकले एफपीओमा आवेदन गरेका आवेदकलाई माघ २८ गते शुक्रबारबाट सेयर नपरेको पैसा फिर्ता गर्ने भएको छ । बैंकले आवेदकले फारम बुझाएकै स्थानबाट रकम फिर्ता पाउन सक्ने जनाएको छ ।
बैंकले निष्काशन गरेको ६७ हजार सात सय ६७ कित्ता थप नयाँ सेयर (एफपीओ) माघ २३ गते बाँडफाँड गरेको थियो । बैंकको सेयर निष्काशन तथा बिक्री प्रबन्धक एनएमबी क्यापिटलले बैंकको नयाँ सेयर छ हजार सात सय ७० जनालाई बाँडफाँड गरिएको जनाएको थियो । बैंकको सबैभन्दा धेरै ११ कित्ता एफपिओ जम्मा सात जनाले पाएका थिए ।
बैंकले प्रतिकित्ता एक सय रुपैयाँ अंकित दरमा ८७१ रुपैयाँ प्रिमियम मूल्य थपेर प्रतिकित्ता ९७१ रुपैयाँका दरले ६७ हजार ७ सय ६७ कित्ता एफपीओ पुस १० देखि १३ गतेसम्म निष्काशन गरेको थियो ।
२६ माघ २०७३, ११।००
वि.सं.२०७३ माघ २६ बुधवार ११:३९ मा प्रकाशित