लिस्बन । पोर्चुगलको अध्यागमन विभाग सेफ अन्तर्गतको अनुसंधान विभागले खेतीपातीमा काम गर्ने नेपाली तथा विदेशी कम्पनीहरुमा कार्यरत मजदुरहरुमाथि श्रम शोषण भएको बारेमा अध्ययन गर्न पोखरा नाम राखी सर्च अभियानलाई तिव्रता दिएको छ।
खेतमा कामगर्ने कर्मचारीको अबस्था र कम्पनीको कानुनी प्रकृयाको वारेमा नेपाली नामै राखेर गरेको यो पहिलो अप्रेशन हो । कम्पनीको संचालन यहांको कानुनी प्रकृया अन्तर्गत छ की छैन, काम गर्ने कर्मचारीको अबस्था कस्तो छ, नियम संगत तलब पाएका छन् की छैनन भनि अनुसंधानलाई तिव्रता दिएको हो। अप्रेशनमा नेपाली संचालक र नेपाली कामदारहरु परेका छन्।
पोर्चुगलको राजधानी लिस्वन र अल्मेराई क्षेत्रमा गरिएको अप्रेशनमा तेइस जना नेपाली कामदारहरुको उद्दार गरिएको छ भने तीन जनालाई संचालकहरुलाई थप अनुसंधानको लागि नियन्त्रणमा लिइएको छ।
सन २०११ देखि नेपालीहरुले पोर्चुगलको खेतीमा कामगर्दै आएका छन्। कृषीमजदुरको रुपमा काम पाए पछि नेपालीहरुले धेरै राहत समेत पाएका छन्। काम पनि पाइने र कागजी प्रकृयामा सरल हुने हुदा नेपालीहरुको आर्कषण खेती बन्दै गएको छ।
२३ असार २०७३, ११।००
वि.सं.२०७३ असार २३ बिहीवार ११:५८ मा प्रकाशित
