काठमाडौ। आर्थिक पत्रकारहरुको संस्था नेपाल आर्थिक पत्रकार समाज (सेजन) को अध्यक्षमा पुष्पराज आचार्य विजयी भएका छन् । उनका प्रतिद्वन्द्वी मोदनाथ ढकालभन्दा १२ मत बढि ल्याएर विजयी भएका हुन् । कुल २२७ मत खसेकोमा आचार्यले १ सय १८ मत प्राप्त गरे भने मोदनाथ ढकालले१०६ मत प्राप्त गरे।
शुक्रवार सम्पन्न सेजनको १८ औं वार्षिक साधारण सभाबाट उपाध्यक्षमा प्रभात भट्टराइ,महासचिवमा भीम गौतम, सचिवमा सुजन ओली, कोषाध्यक्षमा भागवत भट्टराई निर्वाचित भए ।
दुई वर्षे कार्यकाल रहने समितिका सदस्यहरुमा एलिजा उप्रेती, कृष्ण रिजाल, सागर घिमिरे, हिमाल पौडेल र शिव बोहरा(जुँगे) विजयी भए ।
प्रकाशित मितिः २०७४ भदौ १७
वि.सं.२०७४ भदौ १७ शनिवार ०९:४३ मा प्रकाशित