काठमाण्डौं । सेती फाईनाइन्सले आज बुधबारबाट हकप्रदमा नबिकेको दुई लाख ४९ हजार नौ सय १८ कित्तामा बोलकबोल खोलेको छ । फाईनाइन्सले ६६ हजार छ सय ८२.१४ कित्ता साधारण तथा एक लाख ८३ हजार दुई सय ३५.८६ कित्ता संस्थापक सेयर बोलकबोल मार्फत बेच्न लागेको हो ।
सेती फाईनाईन्सले कात्तिक नौ गतेसम्म कायम रहेका सेयरधनीलाई मंसिर १ गतेदेखि पुस ५ गतेसम्म एक बराबर एक दशमलव पाँच अनुपातमा नौं लाख ५१ हजार सात सय ८६ कित्ता हकप्रद निष्काशन गरेको थियो ।
बेलकबोलमा आवेदन बिक्री प्रबन्धक एनआईबिएल क्यापिटल र सेती फाईनाईनान्सको कार्यालय टिकापुर कैलालीबाट फागुन १९ गतेसम्म आवेदन गर्न सक्ने क्यापिटलले जनाएको छ । ईच्छुक लगानीकर्ताले न्यूनतम एक सय रुपैँयाभन्दा माथि अंकित गरि एक सय कित्ताभन्दा बढि सेयरका लागि आवेदन गर्न सक्नेछन् । बोलकबोल फागुन २२ गते तीन बजे क्यापिटलको कार्यालय लाजिम्पाटमा खुला हुनेछ ।
११ फागुन २०७३, ११।००
वि.सं.२०७३ फागुन ११ बुधवार ११:२२ मा प्रकाशित