काठमाण्डौं । सेती फाइनान्सले दुई लाख ४९ हजार ९१८ कित्ता सेयरहरु बिक्रीमा राखेको छ। फाइनान्सले निष्कासन गरेको हकप्रद सेयरमा आवेदन नपरेपछि कम्पनीले बोलकबोलमा बिक्री गर्न लागेको हो।
कम्पनीले एक लाख ८३ हजार २३६ कित्ता संस्थापक र ६६ हजार ६८२ कित्ता साधारण सेयर बोलकबोलबाट बिक्री गर्न लागेको हो। कम्पनीले १५० प्रतिशत हकप्रद सेयर निष्कासन गरेको थियो।
कम्पनीको सेयर किन्नका लागि फागुन १९ गतेसम्म आवेदन दिन सकिन्छ। १०० रुपैयाँ अंकित दरको सेयरमा यसभन्दा बढि मूल्य तोकेर आवेदन दिनुपर्छ। कम्पनीको पछिल्लो सेयर मूल्य १७२ रुपैयाँ कायम भएको छ। कम्पनीको सेयरको बिक्री प्रबन्धकमा एनआइबिएल क्यापिटल छ।
२५ माघ २०७३, ११।००
वि.सं.२०७३ माघ २५ मंगलवार १२:२५ मा प्रकाशित