काठमाण्डौं । कृषि विकास बैंकको १९ लाख ६८ हजार पाँच सय ७५ कित्ता सेयर बोलकबोलमा झण्डै दुई अर्ब रुपैंयाको सेयर आवेदन परेकोछ । बैंकले गत कात्तिक ३ गतेदेखि मंसिर ७ गतेसम्म दुई बराबर एक कित्ताको अनुपातमा एक करोड ९६ लाख ८८ हजार कित्ता हकप्रद सेयर बिक्रीका लागि आवेदन खुला गरेको थियो । जसमध्ये हकप्रदमा आवेदन नपरेको १९ लाख ६८ हजार पाँच सय ७५ कित्ता सेयर माघ २७ देखि फागुन १२ गतेसम्म लिलाममा राखिएको थियो ।
फेस भ्यालुका आधारमा बैंकले लिलाम गरेको सेयरको मूल्य १९ करोड ६८ लाख ५७ हजार रुपैंयाको मात्र हो । तर यसमा दुई अर्बभन्दा बढीको आवेदन परेको हो । बैंकको सेयर निष्काशन तथा बिक्री प्रबन्धक एस क्यापिटलका अनुसार बैंकको सेयर लिलामीमा सहभागि हुनका लागि नौ हजार दुई सय २१ जनाले आवेदन दिएका छन् । क्यापिटलले आइतबार मध्यान्ह तीन बजेबाट बोलकबोल खोल्ने बताएकोछ ।
१३ फागुन २०७३, १।००
वि.सं.२०७३ फागुन १३ शुक्रवार १३:५७ मा प्रकाशित
