काठमाण्डौं । नेपाल बैंकले आफ्नो नाममा रहेको दुई कम्पनीको ठूलो परिमाणको शेयर बेच्न सिद्धार्थ क्यापिटललाई नियुक्त गरेको छ ।
बैंकले नेपाल ईन्स्योरेन्सको १३ लाख ५० कित्ता मध्ये १० लाख कित्ता र तारा गाउँ रिजेन्सी होटलको ७ लाख कित्ता शेयर बेच्न सिद्धार्थ क्यापिटललाई नियुक्त गरिएको हो । सिद्धार्थ क्यापिटलले शेयर बिक्रीका लागि चाँडै नै सार्वजनिक सूचना जारी गर्ने तयारी गरेको बुझिएको छ ।
नेपाल बैंकले नेपाल ईन्स्योरेन्सको १० लाख कित्ता संस्थापक शेयर न्युनतम मूल्य ४०० रुपैयाँमा बिक्री गर्ने निर्णय गरेको छ । नेपाल ईन्भेष्टमेन्ट बैंकको संस्थापक शेयर राष्ट्रिय बाणिज्य बैंकले सर्वसाधारणलाई बेचेको मोडलमा नेपाल ईन्स्योरेन्सको शेयर बेचिने भएको छ । यस शेयर बिक्रीबाट नेपाल बैंकले कम्तिमा ५० करोड आम्दानी गर्ने अपेक्षा गरिएको छ । शेयर बिक्रीका क्रममा मुल्य बढेर आबेदन भएमा यो रकम अरु थपिने संभावना छ । त्यसैगरी तारागाउँको शेयर बिक्रीबाट १० करोड भन्दा बढी आम्दानी हुने अपेक्षा गरिएको छ ।
१२ बैशाख २०७३, ३।००
वि.सं.२०७३ वैशाख १२ आइतवार १६:२३ मा प्रकाशित
