काठमाण्डौँ । आज आइतबार सेयर बजार दोहोरो अंकले बढेको छ । नेपाल स्टक एक्सचेन्ज नेप्से परिसूचक आज २४.८५ अंकको वृद्धिसँगै परिसूचक १३८२.१९ अंकमा उक्लिएको हो ।
सूचकको बृद्धिसँगै आज आइतबार कारोबार रकम पनि बढेको छ । आज दिनभरमा १ सय ३६ कम्पनी ६८ करोड ७७ लाख रुपैयाँको सेयर खरिद बिक्री भएको छ ।
आज सेयर बजारमा आइतबार सबै उपसूचक हरियो भएपछि बजार उकालो लागेको हो । आज बैंङ्किङ १२.९, होटल ६०.०५, विकास बैंक १७.१८, जलबिद्युत ५५.५९, फाइनान्स ६.७६, इन्स्योरेन्स ३६७.४९, उत्पादन मुलक २.५६ र अन्यमा ९.२५ अंकको बृद्धि भएको हो ।
६ चैत २०७३, ३।४०
वि.सं.२०७३ चैत ६ आइतवार १५:३३ मा प्रकाशित