काठमाण्डौं । सबै सूचक हरियो भएको दिन आज पुँजी बजारमा ७५ करोड ४७ लाख रुपैयाँको सेयर कारोबार भएको छ । बजार नयाँ रेकर्ड कायम गर्दै १२६२.८२ अंकमा बन्द भएको छ । बजारमा ११.४० अंकको वृद्धि देखिएको छ ।
यसअघि गत विहीबार पनि बजार नयाँ रेकर्ड कायम गर्दै ११५१ अंकमा बन्द भएको थियो । बजारमा एकसय २४ कम्पनीको सेयर कारोबार भएको छ। बजारमा आठ समूहको सेयर कारोबार भएकोमा सबै समूहको सूचक बढेको छ ।
सेयर बजारमा दुई कम्पनीको सेयर पाँच करोड रुपैयाँ भन्दा धेरैको कारोबार भएको छ। नेपाल इन्भेष्टमेन्ट बैंककको पाँच करोड ३३ लाख र आरएमडिसीको पाँच करोड २७ लाखको सेयर कारोबार भएको हो। यस्तै एसिएन लाइफ इन्स्योरेन्स कम्पनी, नेपाल एसबिआई बैंक, एभरेष्ट बैंकलगायतका कम्पनीको सेयर पनि धेरै कारोबार भएको छ।
सबैभन्दा धेरै बीमा समूहको सूचक बढेको छ। बीमा समूहको सूचक ४८.८ अंकले बढेको छ। बीमासँगै जलविद्युत समूहको सूचक ३३.८८ अंकले बढेको यस्तै वाणिज्य बैंक समूहको सूचक १२.७८ अंकले, होटलको २६.८६ अंकले, उत्पादनको २८ अंकले तथा अन्य समूहको सूचक ४.८ अंकले बढेको छ।
सेयर बजारमा सबैभन्दा धेरै नेपाल ग्रामीण विकास बैंकका लगानीकर्ताले कमाएका छन्। यो कम्पनीको सेयर १० प्रतिशतले बढेको छ। यस्तै अपी पावर कम्पनी, सगरमाथा फाइनान्स कम्पनीको सेयर मूल्य पनि धेरै बढेको छ। बजारमा गुमाउनेमा भने अरुण भ्याली हाइड्रोपावर कम्पनीका लगानीकर्ता छन्।
माघ २४, २०७२ /३.००
वि.सं.२०७२ माघ २४ आइतवार १५:१६ मा प्रकाशित
