काठमाण्डौं । आज मंगलबार सेयरबजार दोहोरो अंकले बढेको छ । बजारमा कारोबारमा आएका अधिकांश सूचकहरु सकारात्मक भएपछि बजार दोहोरो अंकले उकालो लागेको हो । आज सेयर बजार हिजोको भन्दा १६ अंक माथि पुगेर बन्द भएको छ ।
मंगलबार सेयर बजार परिसुचक नेप्से १६.०९ अंकले बढेर १३२६.६० अंकमा उक्लेको छ । बजारमा कारोबारमा आएका वीमा र अन्य बाहेक सबै समूहमा आएको सुधारले बजार दोहोरो अंकले बढेको हो । आज वाणिज्य बैंक २५.४४, विकास बैंक ३.३२, जलविद्युत १३, वित्त ९ र उत्पादन समूह १९.८२ अंकले बढेको छ ।
१३७ कम्पनीका १६ लाख ४९ हजार ७ सय ९८ कित्ता सेयर ५२ करोड ८५ लाख रुपैंयामा किनबेच भएका छन् । अघिल्लो दिनको तुलनामा कारोबार रकम भने करिब एक करोडले कम हो ।
१८ माघ २०७३, ३।४५
वि.सं.२०७३ माघ १८ मंगलवार १५:३२ मा प्रकाशित