काठमाण्डौं । आज मंगलबार सेयर बजार करिब २५ अंकले ओरालो लागेको छ । कारोबार रकममा सामान्य सुधार आएपनि सबै समूह राताम्मे भएपछि बजारमा उच्च गिरावट आएको हो ।
मंगलबार नेप्से २४ दशमलव ६३ अंकले ओरालोे लागेर १७२४ दशमलव ४९ अंकमा झरेको छ । १ सय ३८ कम्पनीका १० लाख ३८ हजार कित्ता सेयर किनबेच भएको बजारमा ७६ करोड ३७ लाख रुपैंयामा बराबरको कारोबार भयो । कारोबार रकम भने अघिल्लो कारोबारको तुलनमा ८ करोड रुपैयाँले बढी हो ।
बजारमा सेयरको बिक्रीमा चाप पर्दा बजार ओरालो लागेको देखिन्छ । त्यस्तै बोनस वितरणसँगै हकप्रद र एफपीओ जारी हुने क्रमले बजारमा सेयरको आपूर्ति बढ्न जादा समेत बजार ओरालो लागको देखिन्छ ।
आज बजारमा विमा समूह सबैभन्दा बढी १२९ अंकले झरेको बजारमा वाणिज्य बैंक २७ अंकले झरेको छ । त्यस्तै जलविद्युत ४७, होटल ४३, उत्पादन ३१, विकास बैंक १८, वित्त साढे ४ अंक तथा अन्य समूह एक अंक बढीले ओरालो लागेका छन् ।
२३ कार्तिक २०७३, ३।३०
वि.सं.२०७३ कात्तिक २३ मंगलवार १५:४० मा प्रकाशित
