काठमाण्डौं । यो साता नेपाल स्टक एक्सचेन्जमा ७ अर्ब १४ करोड ९४ लाख रुपैयाँको सेयर कारोबार भएको छ। १४७ कम्पनीहरुको १ करोड ४६ लाख ७० हजार ३ सय ९० कित्ता सेयरहरु खरिद बिक्री भएका छन्।
कारोबार रकम गत साताको भन्दा ६६.७५ प्रतिशत बढि हो। गत साता १५३ कम्पनीहरुको ४ अर्ब २९ करोड ३७ लाख ५५ हजार रुपैयाँ बराबरका ६९ लाख ६१ हजार पाँच सय ७० कित्ता सेयरहरु खरिद बिक्री भएका थिए।
साताभर १५ अंकले बजार उक्लिएको छ। पहिलो दिन आइतबार १५ सय ९ अंकमा रहेको परिसूचक कारोबारको अन्तिम दिन बिहिबार १५ सय २५ अंकमा कायम भएको छ।
समूहगत रुपमा हेर्दा होटल, उत्पादन र अन्य समूह ओर्लिए भने बाँकी समूहहरु बढेका छन्। होटल ५५, उत्पादनमूलक ३० र अन्य समूह १० अंकले झरेका छन्। बिमा समूह २२५ अंकले बढेको छ भने जलविद्युत समूह १७, वाणिज्य बैंक समूह ५, विकास बैंक समूह ५९ तथा फाइनान्स समूह ४ अंकले बढेको छ।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ३.३५ अंकले बढेर ३२९।९८ अंकमा आईपुगेको छ।
यस साता कारोबार रकमका आधारमा नेपाल बंगलादेश बैंक अग्रस्थानमा रह्यो। उसको ४२ करोड ५५ लाख रुपैयाँको सेयर कारोबार भयो।
उच्च कारोबारका आधारमा दोस्रोमा रहेको नेपाल लाइफ इन्स्योरेन्सको २७ करोड ४७ लाख, तेस्रोमा रहेको शिखर इन्स्योरेन्सको २५ करोड, हिमालयन जनरल इन्स्योरेन्सको २४ करोड ६२ लाख तथा नेपाल बैंकको २३ करोड ७३ लाख रुपैयाँको सेयर कारोबार भयो।
त्यसैगरी कारोबार भएको सेयर संख्याको आधारमा आधारमा सिद्धार्थ इक्विटी ओरीएन्टेड स्किम अग्रस्थानमा रहेको छ ।
प्रकाशितः २०७३ जेठ १५
वि.सं.२०७३ जेठ १५ शनिवार १२:३५ मा प्रकाशित
