आईतबार नेपाल स्टक एक्सचेञ्जमा सूर्योदय लघुवित्त, नेरुडे लघुवित्त र सिर्जना फाइनान्सको सेयरमूल्य समायोजन भएको छ । तीनै कम्पनीको बोनसपछि सेयरमूल्य समायोजन गरिएको हो ।
समायोजन पश्चात नेरुडे लघुवित्तको प्रतिकित्ता समायोजित सेयरमूल्य ८६९ रुपैयाँ, सूर्योदय लघुवित्तको प्रतिकित्ता सेयरमूल्य ११०८ रुपैयाँ र सिर्जना फाइनान्स कम्पनीको प्रतिकित्ता सेयरमूल्य ३३८ रुपैयाँ रहेको छ ।
तीनवटै कम्पनीको सेयर कारोबार आईतबार समायोजित मूल्यलाई आधार मानेर खुलेको छ । विहीबार सूर्योदयको सेयरमूल्य प्रतिकित्ता १३१८ रुपैयाँ, नेरुडेको ९८३ रुपैयाँ, तथा सिर्जना फाइनान्सको ४४८ रुपैयाँ रहेको थियो ।
नेप्सेले जनाएअनुसार नेरुडे लघुवित्तको १३ प्रतिशत बोनसलाई समायोजन गरि नेप्सेले प्रतिकित्ता सेयरमूल्य ८६९ रुपैयाँ निर्धारण गरेको छ । कम्पनीको औसत आधारमूल्य ९५९ रुपैयाँ निर्धारण भएको छ ।
सूर्योदय लघुवित्तको १९ प्रतिशत बोनसपछि प्रतिकित्ता सेयरमूल्य ११०८ रुपैयाँ कायम भएको छ । कम्पनीको १८० दिनको सेयर कारोबारका आधारमा औसत आधारमूल्य ६०४ रुपैयाँ निर्धारण भएको छ ।
उता सिर्जना फाइनान्स कम्पनीको ३२.५ प्रतिशत बोनसलाई समायोजन गरि आईतबार नै नयाँ मूल्य निर्धारण भएको छ । नेप्सेले फाइनान्सको समायोजित सेयरमूल्य ३३८ रुपैयाँ तथा आअैसत आधारमूल्य ३२८ रुपैयाँ निर्धारण गरेकोे छ ।
वि.सं.२०७४ पुस ९ आइतवार १५:०० मा प्रकाशित
