काठमाण्डौं । हाल कायम एक सेयर बराबर नयाँ एक दशमलव ५ अर्थात १५० प्रतिशतको अनुपातमा हकप्रद सेयर जारी गर्नका लागि सेती फाइनान्सले सेयरधनी दर्ता किताब बन्दको सूचना जारी गरेको छ । फाईनान्सले कार्तिक १० गते सेयरधनी दर्ता किताब बन्द हुने जनाएको छ ।
६ करोड ३४ लाख रुपैयाँ चुक्ता पूँजी भएको फाईनान्सले गत बर्ष ८४ लाख ९२ हजार रुपैयाँ मात्र खुद नाफा गरेर प्रति सेयर आम्दानी १३ रुपैयाँ कायम गरेको थियो । हकप्रद जारी गरेपछि फाईनान्सको चुक्ता पूँजी १५ करोड हाराहारीमा पुग्ने छ ।
कैलालीको टीकापुरमा मुख्य कार्यालय रहेको यस फाईनान्सले कार्तिक ९ गतेसम्म सेयर किन्नेले हकप्रद सेयर प्रति कित्ता १०० रुपैयाँमा किन्न पाउने छन् ।
३० असोज २०७३, ११।००
वि.सं.२०७३ असोज ३० आइतवार १२:२६ मा प्रकाशित
