काठमाडौ । सेयर खरिद गर्दा वा बिक्री गर्दा कारोबार गरेको दुई कार्य दिन भित्रै रकम तथा सेयर बुझाउनु पर्ने भएको छ । सिडिएस एण्ड क्लियरिङ्ग लि.ले बुधबार (असार २१ गते)देखि लागू हुने गरी धितोपत्र कारोबार भएको दुई कार्यदिनभित्र धितोपत्र बिक्री गर्ने लगानीकर्ताहरुले धितोपत्र तथा खरिद गर्ने लगानीकर्ताहरुले धितोपत्र खरिद बापतको रकम बुझाईसक्न निर्देशन जारी गरेको हो ।
तोकिएको समयावधी भित्र आफ्नो दायित्व पूरा गर्न नसकी कारवाहीमा परेमा सम्बन्धित लगानीकर्ता आफैँ नै जिम्मेवार हुने भन्दै कम्पनीले आफ्ना ग्राहकहरुलाई सोही बमोजिम आफ्नो दायित्व पूरा गर्न गराउन सम्बन्धित पक्षलाई आह्वान गरेको छ । कम्पनीले विज्ञप्तिमार्फत राफसाफ सदस्यहरु तथा निक्षेप सदस्यहरुले समेत लगानीकर्ताहरुलाई मर्का नपर्ने गरी कार्यविधिमा तोकिए बमोजिम आफ्ना दायित्व पूरा गर्न पनि निर्देशन दिएको छ ।
राफसाफ सदस्यहरु तथा निक्षेप सदस्यहरुको लापरवाहीले गर्दा लगानीकर्ताहरुलाई क्षति हुन गएमा सम्बन्धित पक्ष नै सोको जिम्मेवार हुने सिडिएससिले प्रष्ट पारेको छ ।
प्रकाशित मितिः २०७४ आर २१
वि.सं.२०७४ असार २१ बुधवार १४:३२ मा प्रकाशित
