काठमाण्डौं । शिखर इन्स्योरेन्सले १० प्रतिशत अर्थात् १३ लाख ६२ हजार सात सय ८१ कित्ता थप नयाँ सेयर अर्थात् एफपिओ एक सय रुपैंया अंकित मूल्यमा १५२० रुपैंया प्रिमियम थप गरी १६२० मा निष्काशन गर्ने निर्णय गरेको छ ।
शिखर इन्स्योरेन्सले पूँजीको क्रममा १३ लाख ६२ हजार सात सय ८१ कित्ता नयाँ सेयर निष्काशन गर्न लागेको हो । उसले एफपिओ निष्काशनबाट १३ करोड ६२ लाख ७८ हजार एक सय रुपैंया पूँजी बिस्तार गरी दुई अर्ब सात करोड १४ लाख २७ हजार रुपैंया प्रिमियम जगेडाकोषमा सञ्चित गर्नेछ ।
बिहीबार शिखर इन्स्योरेन्सको प्रतिकित्ता सेयर मूल्य १९५० रुपैंयामा किनबेच भएको थियो । शुक्रबार वित्तीय विबरण सार्वजनिक गरेको इन्स्योरेन्सले प्रतिसेयर आम्दानी ४४ रुपैंया सात पैसा कायम गरेको छ ।
१४ माघ २०७३, १।००
वि.सं.२०७३ माघ १४ शुक्रवार १४:२६ मा प्रकाशित