काठमाडौँ । स्वदेशी लघुवित्त (एस्.एल्.बि.एल)ले सेयरधनीलाई १५ प्रतिशत बोनस सेयर वितरण गर्ने भएको छ । कम्पनीको संचालक समितिको बैठकले गत आर्थिक वर्षको कमाईबाट उक्त लाभांस वितरण गर्ने प्रस्ताव गरेको हो ।
स्वदेशी लघुवित्तले गत आर्थिक वर्षमा २ करोड ३९ लाख ६३ हजार रुपैंया खुद नाफा कमाएको थियो ।प्रस्तावित लाभांस राष्ट्र बैंकको स्वीकृति पश्चात कम्पनीको आगामी साधारणसभाले पारित गरेपछि मात्र लगानीकर्तालाई वितरण गरिनेछ ।
सुनसरीको ईटहरीमा केन्द्रीय कार्यालय रहेको स्वेदेशीको चुक्ता पूँजी १० करोड रुपैंया छ । बोनसपछि कम्पनीको पूँजी डेढ करोडले बढ्नेछ ।
स्वदेशी लघुवित्त वित्तीय संस्थाले गत चैत्रमा मात्रै तीन लाख कित्ता साधारण सेयर सर्वसाधारणमा जारी गरेको थियो ।
प्रकाशित मितिः २०७४ भाद्र ४
वि.सं.२०७४ भदौ ४ आइतवार १४:५० मा प्रकाशित
