काठमाण्डौं । सिद्धार्थ बैंक लिमिटेडको एक लाख ५८ हजार पाँच सय १७ कित्ता सेयरको लिलामी बिक्री खुलेको छ । बैंकले गत कात्तिक ११ गते देखि मंसिर १५ गतेसम्म जारी गरेको हकप्रदमा बिक्री नभएको सेयर लिलामीमा राखेको हो ।
बोलकबोल आवेदन फारम बिक्री प्रबन्धक सिद्धार्थ क्यापिटल अनामनगरका साथै सिद्धार्थ बैंकको केन्द्रीय कार्यालय हात्तिसारबाट समेत प्राप्त गर्न र बुझाउन सक्नेछन् ।
बोलकबोल माघ १७ गते कार्यालय समयसम्म गर्न सकिनेछ भने माघ १८ गते दिउँसो ३ बजे सिद्धार्थ क्यापिटलमा बोलकबोल खोलिने बिक्री प्रबन्धकले जनाएको छ । बोलकबोलबाट सेयर किन्न ईच्छुक लगानीकर्ताले न्यूनतम एक सय रुपैयाँ अंकित गरि सोभन्दा धेरै मुल्य तोकेर बोलपत्र फारम बुझाउन सक्नेछन् ।
साथै बैंकले गत आर्थिक बर्षको नाफाबाट प्रदान गर्ने ३९ प्रतिशत बोनस र साधारणसभा प्रयोजनका लागि माघ २० गतदेखि सेयरधनी पुस्तिका बन्द गर्ने भएको छ । बैंकले फागुन ५ गतेका लागि बार्षिक साधारणसभा बोलाएको छ । साधारण सभाले ३० प्रतिशत हकप्रदको प्रस्ताव समेत पारित गर्देछ । लिलामीबाट सेयर सकार्नेले पनि बैंकको बोनस पाउनेछन् ।
११ माघ २०७३, १।००
वि.सं.२०७३ माघ ११ मंगलवार १३:५८ मा प्रकाशित
