काठमाडौ । सिनर्जी पावर डेभलपमेन्ट कम्पनीले सर्वसाधारण लगानीकर्ताका लागि २१ करोड रुपैयाँ बराबरको २१ लाख कित्ता सेयर निष्कासन गर्ने भएको छ । कम्पनीले नेपाल धितोपत्रबोर्ड बाट सेयर निष्कासनको अनुमति पाएको छ । कम्पनीले गत कात्र्तिकमा आइपीओ निश्कासनका लागि बोर्डमा आवेदन दिएको हो ।
कम्पनीले यसअघिनै आयोजना प्रभावित दोलखाका ६ गाउँ बिकास समितिका जनताका लागि सात लाख कित्ता साधारण सेयर निष्काशन गरेको बाँडफाँड समेत गरिसकेको छ । ७० करोड चुक्ता पूँजी मध्ये कम्पनीले ४० प्रतिशत सर्वसाधारणका लागि छुट्याएकोमा त्यसको १० प्रतिशत आयोजना प्रभावित दोलखा जिल्लाका सम्बन्धित गाउँ बिकास समितिका जनतालाई बिक्री गरेको हो। अब बाँकी ३० प्रतिशत सेयर देशभरका सर्वसाधारणको लागि बिक्री खुला गर्ने भएको हो ।
कम्पनीको धितोपत्र निश्काशन तथा बिक्री प्रबन्धकमा सानिमा क्यापिटल रहेको छ ।
प्रकाशित मितिः २०७३ मंसिर २५
वि.सं.२०७३ मंसिर २५ शनिवार १९:२५ मा प्रकाशित
