काठमाण्डौं । सिन्धु विकास बैंकले लगानीकर्तालाई एक बराबर एकका दरले हकप्रद सेयर दिने भएको छ । बैंकका सेयरधनीले साउन २३ गते देखि भदौ २६ गतेसम्म हकप्रदका लागि आवेदन दिन पाउनेछन् ।
चुक्ता पुँजी बढाउन यो विकास बैंकले लगानीकर्तालाई हकप्रद दिन लागेको हो । एक बराबर एकका दरले हकप्रद दिँदा बैंकको चुक्ता पुँजी दोब्बर हुनेछ । हाल बैंकको चुक्ता पुँजी १२ करोड नौ लाख रुपैयाँ छ । हकप्रद निश्कासन पछि बैंकको चुक्ता पुँजी २४ करोड १८ लाख रुपैयाँ पुग्छ ।
यो विकास बैंकको सेयर निष्कासनका लागि विक्री प्रबन्धकमा एनआईबिएल क्यापिटल नियुक्त भएको छ । लगानीकर्ताले सिन्धु विकास बैंकका शाखा र एनआईविएल क्यापिटलको कार्यालयमा आवेदन दिन पाउँछन् । यो बैंकका साउन ६ गतेसम्म कायम सेयर धनिले मात्रै हकप्रद भर्न पाउनेछन् ।
५ साउन २०७३, ९।००
वि.सं.२०७३ साउन ५ बुधवार ११:०९ मा प्रकाशित