काठमाडौ । सिन्धु विकास बैंकको ८० प्रतिशत हकप्रद भर्न २ दिन मात्र बाँकी छ । यो हकप्रदमा शुक्रबार र आइतबार आवेदन दिन सकिनेछ ।
बैंकले भदौ १८ गतेदेखि असोज २२ गतेसम्मका लागि १०ः८ अनुपातमा १०० रुपैयाँ अंकित मूल्यको २० लाख ९७ हजार ५४० कित्ता सेयर बिक्री खुला गरेको हो । यो हकप्रदमा भदौ ८ गतेसम्म कायम रहेका सेयरधनीले आवेदन दिन सक्नेछन् । बिक्री प्रबन्धक एनआइबीएल क्यापिटल मार्केट्स लाजिम्पाट काठमाडौंबाट यसमा आवेदन दिन सकिनेछ ।
त्यसैगरी, सिन्धु विकास बैंकको मुख्य कार्यालय बाह्रबिसे सिन्धुपाल्चोक र यसका अधिकांश शाखा कार्यालय तथा नेपाल इन्भेष्टमेन्ट बैंकका चिप्लेढुंगा पोखरा, विराटनगर, वीरगंज, नारायणगढ, बुटवल, नेपालगंज र धनगढी शाखा कार्यालयबाट पनि आवेदन दिन सकिनेछ ।
प्रकाशित मितिः २०७४ असोज १९
वि.सं.२०७४ असोज १९ बिहीवार १५:१९ मा प्रकाशित