काठमाण्डौं । नेपालका लागि स्कोडाको आधिकारिक विक्रेता एमएडब्लु इन्टरप्राइजेजले सेडान सेग्मेन्टमा सबैभन्दा आर्कषक र स्टाइलिश नयाँ स्कोडा र्यापिड फेसलिफ्ट नेपाली बजारमा ल्याएको छ।
कम्पनीले हिजो एक कार्यक्रमका बीच यो नयाँ कारको बिक्री शुभारम्भ गरेको छ । कम्पनीका अनुसार नयाँ क्रिस्टलाइन डिजाइन ल्यांगवेजमा तयार गरिएको र्यापिड पफर्मेन्स अझ पनि परिस्कृत रहेको छ । कम्पनीले स्कोडा र्यापिड १६ सय सीसीको पेट्रोल इन्जिन र १५ सय सीसीको डिजेल इन्जिनमा उपलब्ध रहेको जनाएको छ। यो कार ब्रिलियन्ट सिल्भर, क्यान्डी ह्वाइट, क्यापिचिनो बिग, कार्बन स्टिल, सिल्क ब्लु र फ्ल्यास रेडमा उपलब्ध छ ।
कम्पनीका अनुसार नयाँ स्कोडा र्यापिड एक्टिभ, एम्बिसन र स्टाइल गरी तीन भेरियन्टमा उपलब्ध छ। यो कारको मूल्य पेट्रोलको ३४ लाख ९५ हजार र डिजलको ३९ लाख ९५ लाख रुपैयाँ कम्पनीले तोकेको छ।
१९ माघ २०७३, ११।००
वि.सं.२०७३ माघ १९ बुधवार १२:०७ मा प्रकाशित
