काठमाण्डौं । बागमती अञ्चल यातायात व्यवस्था कार्यालय एकान्तकुनाले वितरण गर्ने स्मार्ट सवारीचालक अनुमति पत्र (स्मार्ट लाइसेन्स) को कार्डमा ३ गम्भीर त्रुटि देखिएका छन् ।
गत वर्षको पुष ३ गते ३७ जनालाई स्मार्ट लाइसेन्स बाँडेर यातायात कार्यालय बागमतीले स्मार्ट लाइसेन्स वितरण शुरु गरेको थियो। त्यसयता यातायात कार्यालय बागमतीबाट नयाँ लाइसेन्स, वर्ग थप, नवीकरण, प्रतिलिपी गरी हालसम्म करिब १ लाख २५ हजार स्मार्ट लाइसेन्स वितरण गरिसकेको छ।
रोजगारीका लागि विदेश जानेहरुलाई समेत तिनै त्रुटिपूर्ण लाइसेन्स वितरण भइरहेकोछ । एसियाली विकास बैंकको सूचना तथा सञ्चार प्रविधि (आईसीटी) कार्यक्रमबाट प्राप्त २३ लाख अमेरिकी डलरको अनुदान सहयोगमा सो कम्पनीले १ लाख ६० हजार कार्ड छपाइको जिम्मा पाएको हो।
अहिले वितरण भएका सबै स्मार्ट लाइसेन्समा ‘नन प्रोफेशनल’ अर्थात् गैरव्यावसायिक लेखिएकोछ । त्यस्तै, कुन प्रकारको सवारी चलाउने हो वर्ग छ व्याख्या छैन, यसैगरी लाइसेन्स जारी गर्ने निकाय पनि उल्लेख गरिएको छैन ।
२८ मंसिर २०७३, २।००
वि.सं.२०७३ मंसिर २८ मंगलवार २०:०८ मा प्रकाशित
