back
NMB ad

पैसा बैंकमै थन्किएपछि साढे २२ हजारले सेवा पाएनन्

Kumari bank ad

पर्वत । यहाँ चालु आवको सामाजिक सुरक्षा भत्ता बैंकमै अलपत्र परेको छ । जिल्ला विकास समितिले पहिलो र दोस्रो चौमासिकको सामाजिक सुरक्षा भत्ता वितरणका लागि २०७२ साल असोज १९ गते गरिमा विकास बैंक लिमिटेड कुश्मा शाखालाई रकम निकासा दिए पनि अहिलेसम्म वितरण हुन सकेको छैन ।

गत असोज १९ गते पहिलो र दोस्रो चौमासिकको भत्तावृत्ति वितरण गर्नका लागि झन्डै रु चार करोड निकासा दिएको थियो । पहिलो चौमासिकमा वितरण गर्नका लागि रु एक करोड ९७ लाख ८६ हजार र दोस्रो चौमासिकका लागि रु एक करोड ९७ लाख ८६ हजार रकम निकासा दिएको भए पनि अझैसम्म वितरण हुन नसकेपछि जिल्ला विकास समितिले वितरण नहुनुको कारण माग गरेको छ ।

वृद्धवृद्धाले जिल्ला विकास समितिमा भत्ता नपाएको गुनासो गरेपछि स्थानीय विकास अधिकारी युवराज पौडेलले गत चैत २६ गते बैंकलाई पत्राचार गर्नुभएको थियो । जिविसले समयमै भत्ता उपलब्ध गराउन बैंकलाई ताकेता समेत गरेको छ ।

सहिद सप्ताहअघि नै सर्वसाधारणलाई भत्ता वितरण गर्नका लागि समयमै निकासा दिएको रकम अहिलेसम्म वितरण नहुँदा सर्वसाधारण समस्यामा परेका छन् । उनीहरु दैनिकजसो बैंकमा धाउँदै रित्तो हात फर्कन बाध्य भएका छन् ।

तेस्रो चौमासिकको भत्तासमेत वितरण गर्नुपर्ने बेलासम्म पनि पहिलो र दोस्रो चौमासिकको भत्ता वितरण हुन नसकेको हो । पहिलो चौमासिकको सामाजिक सुरक्षा भत्ता वडा दसँैअगावै असोज १ गतेसम्म वितरण गरिसक्न र दोस्रो चौमासिकको रकम सहिद सप्ताहको अवसरमा माघ १२ गतेभित्र वितरण गर्न बैंकलाई आग्रह गरिएको थियो ।

पर्वतमा विगत दुई वर्षदेखि सबै गाविसमा बैंकमार्फत सामाजिक सुरक्षा भत्ता वितरण गरिँदै आएको छ । जसमध्ये गरिमा बिकास बैंकको कुश्मा शाखाबाट ठूलीपोखरी, आर्थर शङ्करपोखरी, हुवास शाखाबाट हुवास, सरौखोला, भोर्ले, त्रिवेणी, टकलाक, बेउलीवास, उरामपोखरा, शालिग्राम, वहाकी, रानीपानी, बर्राचौर र होश्राङ्दी, तथा फलेवास शाखाबाट मुडिकुवा, खानीगाउँ, देवीस्थान, लिमिठाना, ठानामौला, कुर्घा पाङराङ र बाच्छा गाविसमा वितरण गर्दै आएको छ ।

यता गरिमा विकास बैंक कुश्मा शाखाका प्रमुख सुन्दरसिंह भण्डारीले वैशाख १५ गतेभित्रै वितरण गर्ने तयारी भइरहेको जानकारी दिनुभयो । उहाँले पहिलो चौमासिकको सबै वितरण गरिएको तर दोस्रो चौसिममा तथ्याङ्क अद्यावधिक गर्न समय लागेका कारण ढिलाइ भएको बताउनुभयो ।

गरिमा विकास बैंकबाहेक अन्य सबै बैंकले भने वितरण गरिसकेको जिल्ला विकास समितिले जनाएको छ । पर्वतमा चालु आवमा २२ हजार ५०६ जनालाई भत्ता वितरण गर्ने जनाएको छ ।

१३ बैशाख २०७३, ३।३०

वि.सं.२०७३ वैशाख १३ सोमवार १६:२५ मा प्रकाशित

You can share this post!

त्रिविको हराएका उत्तरपुस्तिका छानबिन गर्न पौडेलको संयोजकत्वमा समिति गठन   

त्रिविको हराएका उत्तरपुस्तिका छानबिन गर्न पौडेलको संयोजकत्वमा समिति गठन   

वि.सं.२०८० चैत १६ शुक्रवार ०७:१०

काठमाडौं, १५ चैत : त्रिभुवन विश्वविद्यालयले उत्तरपुस्तिका हराएको घटनाबारे छानबिन...

चर्च ब्वाईज इटहरी गोल्डकपको फाइनलमा, उपाधिका लागि आर्मीसँग भिड्दै   

चर्च ब्वाईज इटहरी गोल्डकपको फाइनलमा, उपाधिका लागि आर्मीसँग भिड्दै   

वि.सं.२०८० चैत १६ शुक्रवार ०७:०१

धरान, १६ चैत : इटहरीमा जारी १४ औँ संस्करणको अन्तर्राष्ट्रिय...

आज १६ चैत्र २०८० शुक्रवार, कस्तो छ आजको राशिफल ?

आज १६ चैत्र २०८० शुक्रवार, कस्तो छ आजको राशिफल ?

वि.सं.२०८० चैत १६ शुक्रवार ०६:५४

मेष मेष (चु, चे, चो, ला, लि, लु, ले, लो,...

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...