काठमाडौ । विगत वर्षहरुको मलेसिया,सिंगापुर,भारत,रसिया लगायत देशको सफलतापूर्वक सेल्स मिसन सम्पन्न गरेको पर्यटन क्षेत्रको महत्वपूर्ण संस्था सोसाईटी अफ ट्राभल एण्ड टूर अपरेटर्स नेपाल(सोट्टो–नेपाल) सेल्स मिसनको नयाँ गन्तव्य देशमा जाने अन्तिम तयारीमा जुटेको छ । संस्थाले थाईल्याण्ड,कम्बोडिया,भियतनाममा नयाँ सेल्स मिसन अगाडि बढाएको हो ।
नेपाल पर्यटन बोर्ड, नेपाल एयरलाईन्स, नेपाली दूताबास बैंककको सहयोगमा सोट्टो–नेपालका २० जना पर्यटन व्यवसायीहरु, पर्यटन बोर्डका प्रतिनिधि, नेपाल एयरलाईन्सका प्रतिनिधि लगायत विभिन्न पर्यटन संस्थाका प्रतिनिधिसहित पर्यटन क्षेत्रका ३० जना प्रतिनिधिहरुको सहभागिता रहनेछ । सेल्स मिसन सेप्टेम्बर ८ देखि १५ सम्म संचालन हुने सोट्टो–नेपालका उपाध्यक्ष मधुसुदन उपाध्यायले जानकारी दिए । विशेषत थाईल्याण्ड,कम्बोडिया,भियतनाम लगायत देशमा भएका बुद्धिष्ट पर्यटकलाई नेपाल आकर्षित गराउने पर्यटन प्रबद्र्धनात्मक कार्यक्रम लिएर यसपालीको सेल्स मिसन अगाडि बढाएको उपाध्यायले बताए ।
सोट्टो–नेपालले यसअघि आन्तरिक पर्यटन प्रबद्र्धनका शिलशिलामा देशका विभिन्न भागमा आन्तरिक पर्यटक आकर्षित पार्ने विभिन्न प्रबद्र्धनात्मक कार्यक्रमहरु पनि सफलतापूर्वक संचालन गरिसकेको छ ।
प्रकाशित मितिः २०७४ भदौ ९
वि.सं.२०७४ भदौ ९ शुक्रवार ११:०९ मा प्रकाशित