काठमाण्डौं । नेपाल स्टक एक्सचेन्जले सिर्जना फाइनान्सको सेयर मूल्य प्रति कित्ता ७१ रुपैयाँबाट बढाई न्युनतम ११६ र अधिकतम ३५० रुपैयाँ पुर्याइ दिएपछि यसका सेयरधनीहरु मालामाल बन्ने भएका छन् ।
२०६४ सालमा नेप्सेमा सूचिकृत यो कम्पनी पूर्वाञ्चलको मोरङ्ग, सुनसरी र सप्तरी जिल्ला कार्यक्षेत्र रहेको छ । कम्पनीले गत साउन २७ गते नेप्सेलाई पत्र लेख्दै सेयर मूल्य वढाइदिन आग्रह गरेको थियो । पत्रका आधारमा नेप्सेले कम्पनीको सेयर मूल्य तोकिदिएको हो ।
कम्पनीले २०७३ असार मसान्तको वित्तीय विवरणलाई उदृत गर्दै प्रति सेयर नेटवर्थ १७९।८४ हुन आउने भन्दै ब्यहोरा नेप्सेलाई बुझाएको थियो। चुक्ता पुँजी २० करोड १६ लाख रुपैयाँ कम्पनीको जगेडा कोषमा दुई करोड ६३ लाख रुपैयाँ अस्सी हजार छ। सञ्चीत नाफा ३ करोड ४८ लाख र नाफा ८ करोड ९६ लाख रुपैयाँ रहको विवरण उसले नेप्सेलाई पठाएको थियो ।
८ कार्तिक २०७३, १२।००
वि.सं.२०७३ कात्तिक ८ सोमवार १२:४३ मा प्रकाशित
