काठमाण्डौं । नेपाल एसबिआई बैंकले प्रतिकित्ता ९८४ रुपैयाँमा एफपिओ जारी गर्न प्रस्ताव गरेको छ । ६७ हजार ७६७ कित्ता एफपिओ जारी गर्ने निर्णय गरेको कम्पनीले प्रतिकित्ता एक सय रुपैयाँ अंकित मूल्यमा ८८४ रुपैयाँ प्रिमियम थपेर एफपिओ निष्कासन गर्न प्रस्ताव गरेको हो ।
नेपाल धितोपत्र बोर्डले यसमा निर्णय गर्न बाँकी नै रहेको छ । बैंकले संस्थापक सेयरधनी र साधारण सेयरधनीको स्वामित्व ७०/३० कायम गर्न यो एफपिओ जारी गर्न लागेको हो । बैंकले यस अघिनै गत आर्थिक बर्षको कमाईबाट २८ प्रतिशत बोनस र कर प्रयोजनका लागि १.५३ प्रतिशत नगद लाभांश दिने प्रस्ताव समेत गरिसकेको छ ।
चालु आर्थिक बर्षको पहिलो तीन महिना असोज मसान्तसम्ममा बैंकले ३५ करोड रुपैयाँ खुद नाफा कमाएको छ । यसअवधिमा बैंकको प्रतिसेयर आम्दानी ३६ दशमलव ४८ रुपैयाँ, नेटवर्थ १ सय ८८ रुपैयाँ ७९ रुपैयाँ रहेको छ ।
हाल बैकको ३ अर्ब ८८ करोड ३७ लाख रुपैयाँ चुक्तापूँजी रहेको छ । २८ प्रतिशत बोनस वितरण पश्चात बैंकको पूँजी ४ अर्ब ९७ करोड ११ लाख रुपैयाँको हाराहारीमा पुग्नेछ । त्यसपछि ६७ हजार कित्ता एफपिओ जारी गरेपछि बैंकको चुक्तापूँजी ६७ करोड रुपैयाँले बढ्ने छ भने बाँकी प्रिमियम रकम जगेडाकोषमा रहनेछ ।
९ मंसिर २०७३, १।००
वि.सं.२०७३ मंसिर ९ बिहीवार १३:०१ मा प्रकाशित
