काठमाण्डौं । सेयरबजारमा आज बुधबार नेप्से तथा कारोबार रकम दुवैमा गिरावट देखिएको छ । पुँजी बजार ८ अंक बढीले ओरालो लागेको छ भने कारोबार रकम समेत दश करोड रुपैयाँले घटेको छ ।
अघिल्लो दिन उच्च नाफा कमाएका अधिकांश जलविद्युत कम्पनीले बुधबारको बजारमा नोक्सान ब्योहोरेका छन् । बजेट पूर्व वाणिज्य बैंक र बीमाले तताएको बजार बजेटपछि जलविद्युतमय बनेको थियो तर बुधबार यी तीनै समुहमा गिरावट आएको छ ।
बुधबार नेप्से ८.५६ अंकले घटेर १५२३.५६ विन्दुमा झरेको छ । १३१ कम्पनीको कारोबार भएको बजारमा एक अर्ब २२ करोड ६४ लाख रुपैयाँको सेयर किनबेच भएको छ । होटल समुहको सबैभन्दा धेरै १७ अंक बढिले उकालो लागेको छ ।
१९ जेठ २०७३, ३.३०
वि.सं.२०७३ जेठ १९ बुधवार १६:०९ मा प्रकाशित