काठमाडौं । महङ्गी, भ्रष्टाचार नियन्त्रण तथा खाद्य अधिकार सुनिश्चितताको माग गर्दै विप्लव नेतृत्वको नेकपा माओवादीको बन्दले राजधानी लगायत देशभरको जनजीवन प्रभावित भएको छ ।
सडकमा सावारीका साधन चल्न सकेका छैनन् जसका कारण सर्वसाधारण पैदल हिँडेर आफ्नो गन्तव्य तर्फ लागेका छन् । सडक तथा चोकमा सुरक्षाकर्मीको उपस्थिती बाक्लो देखिएको छ । बन्दकर्ताको उपस्थिति भने राजधानीका सडकमा देखिन्नन् ।
बन्दकाबीच साझा बस, मोटरसाइकल र न्यून मात्रामा निजी सावारी साधन सञ्चालनमा रहेको भएपनि भाडाका सवारी साधान नचल्दा सर्वसाधारण मर्कामा परेका छन् ।
यसैबीच बन्दगराउँदै हिँडेका विप्लव माओवादीका ८० भन्दा बढी नेता कार्यकर्तालाई प्रहरीले पक्राउ गरेको छ । राजधानीको कलंकी, कालिमाटी, कोटेश्वर, चावहिल, बानेश्वर, धापासी लगायतका स्थानबाट उनीहरु पक्राउ परेको प्रहरीले जनाएको छ ।
प्रकाशित मितिः २०७३ कार्तिक २८
वि.सं.२०७३ कात्तिक २८ आइतवार १०:०२ मा प्रकाशित
