नेपाल विद्युत प्राधिकरणको बिराटनगरस्थित रानी सबस्टेसनमा नयाँ ट्रान्सफर्मर जडान गरिएको छ । पुरानो ट्रान्सफर्मर बिग्रिएको डेढ महिनापछि ३३/११ केभी क्षमताको नयाँ ट्रान्सफर्मर जडान गरिएको हो ।
शुक्रबार बिनालोड चार्ज गरिएको ट्रान्सफर्मर शनिबार साँझबाट लोड दिइएको प्राधिकरण क्षेत्रीय कार्यालय बिराटनगरका निर्देशक बज्रभुषण चौधरीले बताए । उनका अनुसार बिग्रिएका ट्रान्सफर्मर मर्मतका लागि हेटौंडा प्रयोगशालामा पठाइएको छ ।
गत चैत २४ गतेबाट ट्रान्सफर्मर बिग्रिएकाले बिराटनगर क्षेत्रमा नियमति विद्युत आपुर्तिमा समस्या हुँदै आएको थियो । ट्रान्सफर्मर जडानपछि सो क्षेत्रको विद्युत आपुर्ति सहज भएको चौधरीले बताए ।
प्रकाशित मितिः २०७४ जेठ ७
वि.सं.२०७४ जेठ ७ आइतवार १४:५९ मा प्रकाशित