back
NMB ad

पाँच हजार लिएर सेयर बजार छिरेका व्यक्तिले कमाए दुई अर्ब अमेरिकी डलर भन्दा बढी

Kumari bank ad
भारतीय सेयर बजारका एक चर्चित नाम हो- राकेश झुनझुनवाला । सन् १९६० मा जन्मेका झुनझुनवालाले २५ वर्षको उमेरदेखि नै सेयर बजारमा लगानी गर्न थालेका थिए । झुनझुनवालाले पहिलो पटक सन् १९८५ मा पाँच हजार रूपैयाँ पुँजीबाट लगानी सुरु गरेका थिए । पुँजी सानो भए पनि सपना ठूलो बोकेर लगानी दुनियाँमा प्रवेश गरेका उनको सम्पति अहिले दुई अर्ब अमेरिकी डलर भन्दा बढी पुगिसकेको छ ।
झुनझुनवाला चार्टर्ड एकाउन्टेन्ट हुन् । उनी पढाइ सक्ने बित्तिकै स्टक मार्केटमा प्रवेश गरेका थिए । लगानी कौशल भएकै कारण उनी छोटो समयमै पोख्त सेयर कारोबारी भनेर चिनिन सकेका थिए । कारोबार (ट्रेडिङ) र लगानी (इन्भेस्टमेन्ट) सँगसँगै अघि बढाउन सक्ने कौशलताले नै झुनझुनवालालाई सफलतातर्फ उन्मुख गरायो । त्यसैले उनलाई दलाल स्ट्रिटको ‘बिग बुल’ पनि भन्ने गरिन्छ ।
झुनझुनवालाको पहिलो सोच लगानीकर्ता बन्ने थियो । तर पाँच हजारको पुँजीले दीर्घकालीन लगानी गर्न सम्भव नभएकाले छिटोछिटो ट्रेडिङ गर्न थाले । सन् १९८५ मा स्टक मार्केट छिर्दा जम्मा पाँच हजार रूपैयाँ बोकेका उनले १९८८ सम्ममा आइपुग्दा सेयर कारोबारबाट करिब ८० लाख रूपैयाँसम्म नाफा कमाउन सके । अब उनलाई अल्पकालीन कारोबारबाट दीर्घकालीन लगानी गर्ने पुँजी जुट्यो ।
झुनझुनवालाले ‘सिसा गोवा’ भन्ने फलाम खानीसम्बन्धी कम्पनीमा गरेको लगानी ब्रेक थ्रू भयो । सन् १९८८ मा प्रतिकित्ता २६–२७ रुपैयाँ दरमा झुनझुनवालाले सिसा गोवाको पाँच लाख कित्ता सेयर किने । उनको अनुमान थियो एक बर्षमा यो बढेर ६०–६५ पुग्छ तर तीन महिना मै यस कम्पनीको सेयर भाउ उनले अनुमान गरेजति पुगिहाल्यो । छोटो समयमै भाउ चुलिएपछि उनले त्यस कम्पनीको धेरैजसो सेयर प्रतिकित्ता ६० रुपैयाँका दरले बेच्न भ्याइहाले ।
सन् १९९२ मा सिसा गोवाको बाँकी रहेको अन्तिम २५ हजार कित्ता पनि उनले प्रतिसेयर २२ सय भारुसम्ममा बेचेका थिए । यसरी झुनझुनवालाले सात वर्षमै आफ्नो नेटवर्थ पाँच हजार रुपैयाँबाट चार करोड पुर्याउन सफल भएका थिए । हाल झुनझुनवाला ‘रेअर इन्टरप्राइजेज’मा आफ्नै पोर्टफोलियो व्यवस्थापनमा व्यस्त रहेका छन् ।
झुनझुनवालाको यस्तो छ दीर्घकालीन लगानी शैली१. पहिले लगानी अनि मात्र अनुसन्धान :झुनझुनवाला भन्छन् कहिलेकाँही बजारले राम्रो अवसर दिइरहेको हुन्छ, त्यस्तो बेला सेयर किनिहाल्नुपर्छ अनि मात्र अनुसन्धानको कामतिर लाग्नुपर्छ । उनले लुपिन नामक औषधि उत्पादक कम्पनीमा लगानी गर्दा यही मन्त्र प्रयोग गरे । लुपिनको एउट उत्पादनले ३६ करोड अमेरिकी डलर बराबरको बजार ओगटेको थियो र झुनझुनवालाले अरु केही पनि नसोची सीधै त्यसमा लगानी गरे ।

झुनझुनवालाका अनुसार कम्पनीमा लगानी गर्न गर्ने चार महत्वपूर्ण आधार 
बाहिरी अवसर वा माग :  कुनै पनि कम्पनीको सेवा वा उत्पादनको माग कति छ, त्यसमा विशेष ख्याल गर्ने ।
संस्थापक :  कम्पनीको संस्थापन पक्ष सबल हुनुपर्छ ।
आवश्यक पुँजी : कम्पनीको पुँजीलाई पनि राम्रो ध्यान दिने ।
मूल्य निर्धारण : तपाई के किन्नुहुन्छ र कति मूल्यमा किन्नुहुन्छ भन्ने निकै महत्वपूर्ण हुन्छ । झुनझुनवाला भन्छन् आफूले किन्ने बेला सेयरको मूल्य कति छ भनेर चाहिँ निकै घोत्लिनुपर्छ ।
२. चर्चामा नआएका कम्पनी भनेर कहिल्यै बेवास्ता नगरौं : झुनझुनवालाका अनुसार धेरै गुणा प्रतिफल पाउन चर्चित कम्पनी कै सेयर हुनुपर्छ भन्ने छैन । उनी आफू पनि स्टक चर्चामा नआएका बेला वा कतिपय अवस्थामा चर्चामा नआएका कम्पनीमा नै लगानी गर्न रुचाउँथे । यसो गर्दा स्टक सस्तोमै पाइने उनको बुझाई छ ।
३. लोभ र भयलाई सन्तुलनमा राख्ने : कारोबारी वा दीर्घकालीन लगानीकर्ता जे भए पनि नाफा कमाउन मात्र नभई बजारमा टिकिरहन पनि लोभ र भयलाई ब्यालेन्स गर्नुपर्ने झुनझुनवाला सुझाउँछन् । उनी भन्छन्, ‘लोभी पनि हुनुपर्छ तर दीर्घकालीन लोभी ।’ तर लोभ र डरलाई आफ्नो निर्णयमा प्रभाव पार्न दिनु नहुने उनको भनाइ छ ।
झुनझुनवालाको अल्पकालीन कारोबार शैली :
– किन्नलाई कुनै मूल्य ठूलो हुँदैन भने बेच्नलाई पनि कुनै पनि मूल्य सानो हुदैन ।
– कारोबारलाई लगानीमा नमिसाउने ।
– के राख्ने र कहिले बेच्ने भनेर चाहिँ जान्नैपर्छ । कहिले किन्ने अनि कहिले बेच्ने भनेर थाहा पउान आवश्यक छ ।
– बजारको ट्रेन्ड अनुसार चल्ने । घाटा भइहाल्यो पनि सेयर बजारमा तर्सिहाल्नु हुँदैन ।
– मूल्य पहिलो सूचक हो । सानो कदमबाट ठूलो फड्को मारिने भएका कारणले अब के  हुँदैछ भन्ने थाहा पाउने मूल्यलाई पहिलो सूचक मान्ने ।
झुनझुनवालाले सेयरमा मात्र नभई हिन्दी चलचित्रमा पनि लगानी गरेका छन् । उनले ‘कि एन्ड का’ नामक चलचित्रको निर्माण गरेका छन् ।
६ माघ २०७३, समिर गौतम, नेपालीपैसा, ११।००

वि.सं.२०७३ माघ ६ बिहीवार १२:२९ मा प्रकाशित

You can share this post!

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

वि.सं.२०८० चैत १६ शुक्रवार २१:०१

काठमाडौं । नेपाल इटाली चेम्बर अफ कमर्स एण्ड इन्डस्ट्री (एनआईसीसीआई)...

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

वि.सं.२०८० चैत १६ शुक्रवार २०:५३

काठमाडौँ । द ब्रिटिस कलेज (टीबीसी)ले यस पटक पनि अन्तर्राष्ट्रिय...

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

वि.सं.२०८० चैत १६ शुक्रवार २०:१५

काठमाडौं ।नेपाल लाइफ क्यापिटलले नेपाल लाइफ इन्स्योरेन्ससंगको समन्वयमा १८ मार्च...

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

वि.सं.२०८० चैत १६ शुक्रवार २०:०७

काठमाडौं । एनआईसी एशिया बैंकले वित्तीय साक्षरता अभिवृद्धि गर्ने उद्देश्यका...

राजस्व छलीका गाडी र मोटरसाइकलसहित तीनजना पक्राउ   

राजस्व छलीका गाडी र मोटरसाइकलसहित तीनजना पक्राउ   

वि.सं.२०८० चैत १६ शुक्रवार १९:५८

काठमाडौँ, १६ चैत : राजस्व छलीका गाडी र मोटरसाइकलसहित तीनजनालाई...

आगामी आर्थिक वर्षका लागि बजेट लेखन समिति गठन   

आगामी आर्थिक वर्षका लागि बजेट लेखन समिति गठन   

वि.सं.२०८० चैत १६ शुक्रवार १९:५१

काठमाडौँ, १६ चैत : अर्थ मन्त्रालयले आगामी आर्थिक वर्ष २०८१/८२...