काठमाडौ । नेपाल उद्योग वाणिज्य महासंघ कर तथा राजश्व समितिको सदस्य रहेका सुरज बज्राचार्यले महासँघको आगामि कार्यकालका लागि वस्तुगत तर्फबाट सदस्यको उम्मेदवारी दिंदैछन् । अनुपबहादुर मल्ल उपाध्यक्ष प्यानलबाट वस्तुगत सदस्यमा उम्मेदवारी दिन लागेका जेवी टेलर्सका अध्यक्षसमेत रहेका बज्राचार्यले ललितपुर उद्योग वाणिज्य संघमा रहेर समेत कार्य गरिसकेका छन् ।
उनी वस्तु एवं सेवा मिश्रित व्यवसाय र यससँग सम्बन्धित व्यवसायीका एजेण्डालाई महासंघले सम्बोधन गर्नुपर्ने खाँचो देख्छन् । यसैकारण वस्तुगत तर्फबाट महासंघमा उम्मेदवारी दर्ता गर्न लागेको बज्राचायको भनाई छ ।
उनी भन्छन्, “ वस्तुगतको उम्मेदवारी दिईसकेपछि विशुद्ध वस्तुगत तर्फको जिम्मेवारी लिएर जानुपर्छ । वस्तुगत व्यवसायीका समस्या समाधानबारे केन्द्रित भएर जानुपर्छ । त्यसको लागि हामी सक्षम छौं ।”
“३ वठा मुख्य पाटो सेवा व्यवसाय, निर्यात व्यवसाय र आयात व्यवसायमा केन्द्रित बन्नुपर्छ । यस्तैमा सिलाई भनेको सेवा र कपडा वस्तु हो । यसैले यी दुवै क्षेत्रको आफुले प्रतिनिधित्व गर्छुजस्तो लाग्छ । सबैले हामीहरुको प्रतिनिधित्वलाई महत्व दिनुहुनेछ ।” उनी भन्छन् ।
बज्राचार्यको धारणामा यतिबेला नीजि क्षेत्रलाई काम गर्न धेरै गाह्रो छ । उनी भन्छन्,“हामी व्यवसायीमा धेरै समस्या छ । उद्योग वाणिज्य महासंघले व्यवसायीका समस्या समाधान गर्न मोडालिटि तयार गरेर अगाडि बढ्नुपर्छ । महासंघ(एफएनसीसीआई)मा राम्रा व्यक्तिलाई हामीले ल्याउनुपर्छ÷जिताउनुपर्छ । हाम्रो व्यक्ति होईन । राम्रो व्यक्ति जुनसुकै समूहबाट परोस् उहाँहरुलाई ल्याउनुपर्छ भन्ने मेरो मान्यता छ ।”
बज्राचार्यले महासंघलाई व्यवस्थित बनाएर लैजानका लागि वस्तुगततर्फबाट समूह बनाएर भन्दापनि स्वतन्त्ररुपमा प्रतिष्पर्धा गर्नुपर्ने खाँचो औंल्याउँछन् । ९९ वटा अध्यक्षलाई हाँक्ने वस्तुगतको अध्यक्ष निष्पक्षरुपमा प्रतिष्पर्धा गर्नुपर्ने भन्दै उनले २१ गते आफुले महासंघमा उम्मेदवारी दर्ता गराउने र आफ्नो उपस्थिति भएपछि कुनै न कुनैरुपमा वस्तुगत क्षेत्रलाई माथि ल्याउन पहल गर्ने बज्राचार्य बताउँछन् । (कुराकानीमा आधारित)
प्रकाशित मितिः २०७३ चैत २०
वि.सं.२०७३ चैत २० आइतवार १५:१० मा प्रकाशित
