काठमाडौ । सूर्या लाइफ इन्सुरेन्सले १० प्रतिशत बोनस सेयरपछि ४० प्रतिशत हकप्रद जारी गर्ने विशेष प्रस्ताव पारित गर्न भदौ २७ गते साधारण सभा बोलाएको छ । भदौ १ गते बसेको सञ्चालक समितिको बैठकले नवौं वार्षिक साधारण सभा गर्ने निर्णय गरेको हो ।
साधारण सभामा १० प्रतिशत बोनस सेयर वितरण गर्ने विशेष प्रस्ताव लगिने भएको छ । सूर्याले साधारण सभामा आर्थिक वर्ष २०७२/७३ को नाफाबाट हाल कायम रहेको चुक्ता पुँजी ६५ करोड ६२ लाख ५० हजार रुपैयाँको १० प्रतिशतले हुने ६ करोड ५६ लाख २५ हजार रुपैयाँको बोनस सेयर वितरण गर्ने विशेष प्रस्ताव गर्ने जनाएको छ । कम्पनीले बोनस सेयरमा लाग्ने कर तिर्न ०.५२६३ प्रतिशत नगद लाभांश पनि दिने जनाएको छ ।
यसका साथै, बोनस सेयरपछि कायम हुने चुक्ता पुँजीको ४० प्रतिशत हकप्रद सेयर जारी गर्ने विशेष प्रस्ताव पनि साधारण सभामा पेस गरिने भएको छ ।
प्रकाशित मितिः २०७४ भदौ ४
वि.सं.२०७४ भदौ ४ आइतवार १४:४० मा प्रकाशित
