काठमाण्डौं । सुर्योदय लघुवित्त वित्तीय संस्थाको आज आइतबारदेखि नेपाल स्टक एक्सचेञ्ज नेप्सेमा सेयर कारोबार खुलेको छ । अघिल्लो साता कम्पनीले चारलाख कित्ता सेयर नेप्सेमा सूचिकृत गराएको थियो ।
नेप्सेले सुर्योदय लघुवित्तको ओपनिङ सेयरमूल्य प्रति कित्ता १६२ रुपैयाँदेखि ४८६ रुपैयाँ तोकेको छ । कम्पनीको नेप्सेमा एसएलबिएस कोडबाट कारोबार संचालन हुने नेप्सेले जनाएको छ ।
सुर्योदयले नेपाल राष्ट्र बैङ्कबाट २०७० असार ६ मा ‘घ’ वर्गको वित्तीय संस्थाका रूपमा कारोवार गर्न स्वीकृति प्राप्त गरेको हो । केन्द्रीय कार्यलय स्याङ्जाको पुतलीवजारमा रहेको लघुवित्तले कार्यक्षेत्र बाग्लुङ, म्याग्दी, पर्वत, स्याङ्जा, मनाङ, लमजुङ, मुस्ताङ, गुल्मी, प्यूठान र रोल्पा जिल्लामा २४ वटा शाखा मार्फत वित्तीय सेवा प्रदान गर्दै आएको छ ।
१७ पुस २०७३, ११।००
वि.सं.२०७३ पुस १७ आइतवार १२:२१ मा प्रकाशित
