सुशिल सुबेदी
स्याङजा । हिजो देखीको लगातार बर्षाको कारण पर्बत र स्याङजाको सिमानामा पर्ने स्याङजाको वालिङ नगरपालिका वडा नं १४ अधेंरीलखोलाले एकै घरका ४ जनालाई बगाएको छ । ईलाका प्रहरी कार्यालय हुवास पर्वत, प्रहरी चौकी कालीकाकोट र स्थानीयको सहकार्यमा एकै घरका ३ जनालाई उद्दार गरेपनी ८ बर्षीय मदन भुर्तेल बेपत्ता भएको र खोजी कार्य जारी रहेको इलाका प्रहरी कार्यालय हुवासले बताएको छ ।
४० बर्षीय देबी भुर्तेल, ३५ बर्षीय सीता भुर्तेल र १३ बर्षीय दम्पत्ती भुर्तेलकी छोरी मुना भुर्तेलको सकुशल उद्दार गरीएको छ भने ८ बर्षीय छोरा मदन भुर्तेल बेपत्ता भएका छन् । आज बिहान १२ वजे अंधेरीखोला तर्ने क्रममा एकै घरका ४ जनालाई खोलाले बगाएको थियो ।
हिजोदेखी लगातार परेको अबिरल बर्षाका कारण स्याङजा र पर्वतको दक्षिण भेग जोड्ने वालीङ हुवास सडक खण्ड पनि अबरुद्द बनेको छ । यसैगरी वालिङ नगरपालीका वडा नं १४ मा पर्ने तमादीमा पहिरो जाँदा ४ घर पहीरोले पुरीएको छ भने १२ घर जोखिममा परेको छ । वालिङ देखि डुम्रेभञ्ज्याङ सडक खन्दा सडक माथीका घर जोखिममा परेको गुनासो स्थानीयले गरेका थिए ।
१८ असार २०७४
वि.सं.२०७४ असार १८ आइतवार १६:५७ मा प्रकाशित